წუხელ ლონდონში ადგილობრივი დროით 00. 50 წუთზე მრავალსართულიან საცხოვრებელ სახლში ხანძარი გაჩნდა.
ლონდონის სამედიცინო დახმარების სამსახურის განცხადებით, შედეგად საავადმყოფოებში 50 ადამიანია გადაყვანილი, სახანძრო სამსახურის წარმომადგენელის თქმით კი, არიან დაღუპულებიც, მათშორის მეხანძრეებიც.
„სამწუხაროდ, უნდა დავადასტურო, რომ არიან დაღუპულები. ამ ეტაპზე ვერ ვიტყვი თუ რამდენი დაღუპულია. ხანძრის მიზეზი ჯერ კიდევ უცნობია“, – განაცხადა ლონდონის სახანძრო სამსახურის კომისარმა დენი კოტონმა
შენობა 24 სართულიანია, ცეცხლის გცენის მომენტში მასშო სეიძლება 600 – მდეადამიანი ყოფილიყო. თვითმხილველები ამბობენს, რომ შენობის ფანჯრებში ათეულობით ადამიანი ჩანდა და მათ შორის ბევრი გადმოხტომას ცდილობდა.
გამოძახებისთანავე, სულ რაღაც 6 წუთში ადგილზე 40 – ზე მეტი სახანძრო ბრიგადა და 200 – მდე მეხანძრე მივიდა. საქმე გაართულა იმან, რომ შენობის ირგვლივ ძალიან ვიწრო ქუჩებია და სახანძრო მანქანების ახლოს მიყვანა ჭირს.
ისინი ამ წუთებამდე ებრძვიან ხანძარს და ვერ ასახელებენ ხანძრის გაჩენის მიზეზს. ცეცხლი მეორე სართულიდან ბოლო 24 – სართულამდე მძვინვარებს და მისი ლოკალიზება ვერ ხერხდება. არის საშიშროება ცეცხლი ახლომდებარე შენობებზე გადავიდეს. მოსახლეობა ამ სახლებიდანაც ევაკუირებულია. გადაკეტილია მიმდებარექუჩები, მახლობელ სასკოლო და სპორტულ შენობებში გახსნილია დახმარების ცენტრები.
ხანძარი თავისი მასშტაბებით უპრეცედენტოა – მსგავსი რამ ჩემი მუშაობის 29 წლის მანძილზე არ მინახავს- აცხადებს ლონდონის სახანძრო სამსახურის მეთაური. ბი-ბი- სი იუწყება, რომ არის საშიშროება შენობა ჩამოინგრეს. ისმის მინების მსხვრევის ხმები, ირგვლივ შენობის ნანგრევები ცვივა, ყველაფერი კვამლით არის დაფარული.
ლონდონის მერი სიდიყ ხანი ამ ხანძარს აფასებს როგორც ,,საგანგებო სიტუაციას''.
ალმოდებული საცხივრებელი ცათამბჯენი Grenfell Tower აგებულია 1074 წელს, მასში 200 საცხოვრებელი ბინაა.
გადარჩენილები ამბობენ, რომ სახლს ამასწინათ მასშტაბური რემონტი ჩაუტარდა.