აფხაზეთიდან იძულებით გადაადგილებულმა პირებმა ენგურ-ქაღალდ კომბინატში ღია ცის ქვეშ საზოგადოებრივი დარბაზი ,,აფხაზეთი“ დააფუძნეს..როგორც დამფუძნებლებმა განაცხადეს ისინი მედიატორის როლს შეასრულებენ ხელისუფლებასა და დევნილებს შორის, დარბაზი მიმართული იქნება დევნილთა პრობლემების გადაჭრაზე. მათ რამოდენიმე პუნქტიანი მოთხოვნები წარმოუყენეს ხელისუფლებას და შესასრულებლად დრო 30 ივნისამდე მისცეს, წინააღმდეგ შემთხვვაში პერმამენტული აქციები დაანონსეს.დევნილები მოსახლეობას უყურადღებობაში ადანაშაულებენ და ამბობენ, რომ გვერდში უდგანან საზოგადოებრივ დარბაზს, რომელიც დევნილთა პრობლემებზე იმუშავებს.საზოგადოებრივი დარბაზის ,,აფხაზეთის“ დამფუძნებლებთა შეკრებაზე ტყის ძმების მეთაური დათო შენგელიაც იმყოფებოდა, რომელმაც განაცხადა რომ პოლიტიკაში მოსვლას არ აპირებს, თუმცა დევნილების პრობლემებზე იმუშავებს.დამფუძნებლებმა წარმოადგინეს სარეზოლუციო ტექსტი, სადაც გაწერილია ის მოთხოვნები, რომელსაც დევნილები ხელისუფლებას უყენებენ. ადგილზე შეკრებილებმა რეზოლუცია ხელმოწერებით დაადასტურეს.