საქართველოს 2019 წლის ევროპის ლიგის ფინალის მასპინძლობაზე უარი ეთქვა – ევროპული ფეხბურთის მმართველმა ორგანომ, იმ სტადიონების და ქალაქების რიცხვი შეამცირა, რომლებიც 2018/2019 წლების სეზონზე, ევროპის ლიგის ფინალის მასპინძლობისთვის იბრძოდნენ

 

უეფას ოფიციალური ვებ-გვერდის ინფორმაციით, მასპინძლობისთვის, საქართველოსთან ერთად, აზერბაიჯანი, თურქეთი, შოტლანდია, გერმანია და ესპანეთი იბრძოდნენ, თუმცა მხოლო ესპანეთი, თურქეთი და აზერბაიჯანი დარჩნენ.  

 

უეფა თავის გადაწყვეტილების შესახებ სექტემბერში გამოაცხადებს. გარდა ევროპის ლიგის ფინალისა, სექტემბერშივე გახდება ცნობილი ჩემპიონთა ლიგის 2018/2019 წლების სეზონის ფინალისა და სუპერთასის ჩატარების ადგილიც.

 

შეგახსენებთ, რომ 2015 წელს, „დინამო არენამ“ სუპერ თასს უმასპინძლა, სადაც ერთმანეთს, ორი ესპანური კლუბი – „ბარსელონა“ და „სევილია“ დაუპირისპირდნენ. თბილისში გამართული მატჩი, სუპერ თასის ისტორიაში, საუკეთესოდ დასახელდა