შსს-ს საპატრულო პოლიციის დეპარტამენტის დირექტორმა ალექსანდრე ხვადაგიანმა აჭარის, ქვემო ქართლის, სამეგრელო-ზემო სვანეთის და შიდა ქართლის მთავარი სამმართველოების თანამშრომლებს ახალი ხელმძღვანელები წარუდგინა.
საპატრულო პოლიციის დეპარტამენტის აჭარის მთავარ სამმართველოს – ლევან მაისურაძე, ქვემო ქართლის მთავარ სამმართველოს – კახაბერ ბუხრაძე, სამეგრელო-ზემო სვანეთის მთავარ სამმართველოს – ნიკოლოზ გადელია, ხოლო შიდა ქართლის მთავარ სამმართველოს – მიხეილ კალაძე უხელმძღვანელებს
.სამეგრელო-ზემო სვანეთის საპატრულო პოლიციის უფროსის პოსტი განთავისუფლდა მას შემდეგ, რაც ყოფილი უფროსი დავით მჟავია, რომელიც ამ პოსტს მიმდინარე წლის მარტიდან იკავებდა, სხვა თანამდებობაზე გადაიყვანეს.
პოლიციის ახალი უფროსი ნიკოლოზ გადელია 2016 წელს, ქვემო ქართლის პოლიციის დეპარტამენტის წალკის რაიონული სამმართველოს უფროსად მუშაობდა.
შინაგან საქმეთა მინისტრის გიორგი მღებრიშვილის განცხადებით, ეს საკადრო ცვლილებები საპატრულო პოლიციაში დაწყებულ რეფორმას უკავშირდება.