დღეს დილით, ადგილობრივი დროით 08.00 საათზე ინგლისში, ქალაქ ნიუკასლში ცივი იარაღით შეიარაღებული პირი დასაქმების ცენტრში შეიჭრა და ხუთი ადამიანი აიყვანა მძევლად, სხვებმა კი გაქცევით უშველეს თავს – ინფორმაცია ამის შესახებ ერთერთმა პირველმა ბი-ბი-სიმ გაავრცელა..
ადგილზე მისულმა პოლიციას თვითმხილველებმა აცნობეს, რომ მამაკაცს გულზე რაღაც უცნობი საგანი. შესაძლოა ასაფეთქებელი მოწყობილობა ჰქონდა დამაგრებული.
პოლიციამ გადაკეტა დასაქმების ცენტრის მისადგომები, იქვემდებარემეტროს სადგურის ჩათვლით და მძევლების განთავისუფლების ოპერაციის დაწყებამდე დამნაშავე პირის დაყოლება სცადა.
ბოლო ინფორმაციით „ყველა მძეველი გათავისუფლებულია, ხოლო დანით შეიარაღებული პირი ერთადერთია, ვინც შენობაში დარჩა“ – ამის შესახებ ნათქვამია ადგილობრივი პოლიციის განცხადებაში, რომელიც „ტვიტერში“ გავრცელდა.
პოლიციის მონაცემებით, აღნიშნული ინციდენტი ტერორიზმთან დაკავშირებული არ არის. ინციდენტის შედეგად არავინ დაშავებულა.