ჩაქვში "ერთიანი ნაციონალური მოძრაობის" წევრები ელგუჯა ბაგრატიონი და რევაზ ხარაზი დააკავეს. როგორც "ნაციონალური მოძრაობის" წევრმა ბონდო თედორაძემ "ინტერპრესნიუსს" განუცხადა, მისი თანაგუნდელები ჩაქვიდან გურიაში ასწლოვანი ხის გადატანას და სკვერის დაზიანებას აპროტესტებდნენ. მისივე თქმით, დაკავებულები ქობულეთსა და ბათუმში წინასწარი დაკავების იზოლატორში იმყოფებიან. როგორც თედორაძე ამბობს, ასწლოვანი ხე ჩაქვში სანაპიროსთან უკვე მიიტანეს."დაბა ჩაქვში, აჭარის უმაღლესი საბჭოს მიმდებარე ტერიტორიაზე, სადაც ხის გადატანა მიმდინარეობდა, დღეს გამთენიისას ელგუჯა ბაგრატიონი და რეზო ხარაზი დააკავეს. მიზეზი „ხეგლეჯიას“ ხის გადატანისას დანგრეული და გადაჩეხილი, მუნიციპალური პარკის განადგურების წინააღმდეგ მიმართული პროტესტია, 100%-ით კანონიერი პროტესტი! მერამდენედ უნდა იქცეს ადამიანი უკანონო პატიმრად ხის გლეჯისთვის?"- აცხადებს ბონდო თედორაძე.