"რუსთავი2"-ის ჟურნალისტი ზაალ უდუმაშვილი დათანხმდა "ნაციონალური მოძრაობის" შეთავაზებას, კენჭი იყაროს თბილისის მერის არჩევნებში. ინფორმაციას ამის შესახებ საინფორმაციო სააგენტო "პრაიმთაიმი" ავრცელებს.
გამოცემის ინფორმაციით, საბოლოო შეთანხმება კიევში შედგა, სადაც უდუმაშვილი პირადად მიხეილ სააკაშვილს შეხვდა.
ცნობილია, რომ თავდაპირველად ჟურნალისტმა აღნიშნულ შეთავაზებაზე უარი განაცხადა, თუმცა, როგორც ჩანს, გადაწყვეტილება მიხეილ სააკაშვილთან შეხვედრის შემდეგ შეცვალა.
თავად უდუმაშვილი ამ თემაზე ჯერჯერობით კომენტარს არ აკეთებს. "ნაციონალურ მოძრაობაში" კი ინფორმაციას არც უარყოფენ და არც ადასტურებენ.
"ვერაფერს გეტყვით. როცა გადაწყტდება ღიად გახდება ცნობილი", – აღნიშნა "პრაიმტაიმთან" საუბრისას "ნაციონალური მოძრაობის" წევრმა, სალომე სამადაშვილმა.