უშიშროების საბჭოს მდივნის მოადგილე ლევან ბოძაშვილმა თანამდებობა დატოვა. ამის შესახებ მან Facebook-ზე დაწერა. "ახლა მივმართე საქართველოს პრეზიდენტს თანამდებობიდან გათავისუფლების თაობაზე განცხადებით. დღეიდან უშიშროების საბჭოში აღარ ვმუშაობ", – წერს ბოძაშვილი.საქართველოს ეროვნული უშიშროების საბჭომ, კონსტიტუციაში დაგეგმილ ცვლილებთან დაკავშირებით, თბილისის სტრატეგიული დისკუსიების ფარგლებში მიღებული დასკვნითი კომუნიკე გაავრცელა. კომუნიკეს არ შეუერთდება ლევან ბოძაშვილი. კომუნიკეს სულ 27 ადამიანი უერთდება, მათ შორის უშიშროების საბჭოს მდივნის ყველა დანარჩენი მოადგილე და არასამთავრობო სექტორის წარმომადგენლები.