რატომ ტოვებს თანამდებობას ფინანსური პოლიციის ხელმძღვანელი გიორგი ბადაშვილი? – განცხადება დღეს გაკეთდება

0
471
ფინანსთა სამინისტროს საგამოძიებო სამსახურის ხელმძღვანელის, გიორგი ბადაშვილის, მიერ თანამდებობის დატოვების შესახებ ოფიციალური განცხადება დღეს გაკეთდება.
 
უწყების პრესსამსახურის ინფორმაციით, განიხილება გიორგი ბადაშვილის სხვა თანამდებობაზე გადასვლის საკითხი. 

 რა გახდა საკადრო გადაწყვეტილების მიზეზი და სად განაგრძობს მუშაობას ფინანსთა სამინიტროს საგამოძიებო სამსახურის უფროსი, ამ დროისთვის უცნობია.
 
ვიცე-პრემიერი ალექსანდრე ჯეჯელავა ,, ინტერპრესნიუსთან'' საუბარში აღნიშნავს, რომ, მისი აზრით გიორგი ბადაშვილის მიერ თანამდებობის დატოვება  არ არის დაკავშირებული   სკანდალთან, რომელიც გენერალური აუდიტორის  ცემას მოყვა. ,,  ეს კავშირშია ფინანსური პოლიციის პირდაპირი ამოცანებისა და მიზნების შესრულება-არ შესრულებასთან აცხადებს იგი. 
 
ჯეჯელავა ბადაშვილის ფინანსთა სამინისტროს საგამოძიებო სამსახურის ხელმძღვანელის პოსტიდან წასვლას მიმდინარე საკადრო საკითხს უწოდებს. მისივე თქმით, არ აქვს ინფორმაცია, თუ ვინ არის ბადაშვილის შემცვლელი აღნიშნულ თანამდებობაზე.
 
ვრცელდება ინფორმაცია, რომ უწყებას ბადაშვილი გუნდთან ერთად დატოვებს.
 
გიორგი ბადაშვილმა ამ თანამდებობაზე მთავარი პროკურორის თანამდებობის დატოვების შემდეგ გადაინაცვლა.

 

წინა სტატიაიგოეთთან და გორთან მომხდარი სამი ავტოსაგზაო შემთხვევა და ოთხი გარდაცვლილი
შემდეგი სტატიაოკუპანტების მიერ დაკავებული ხვიჩა წყაროზია თავისუფალია
ტელეკომპანია ოდიშის საინფორმაციო სამსახური