ჩვენ გვინდა, რომ სასკოლო ექსკურსიებმა გასვლითი გაკვეთილის ფორმა მიიღოს, – ამის შესახებ ვიცე-პრემიერმა, განათლებისა და მეცნიერების მინისტრმა ალექსანდრე ჯეჯელავამ ჟურნალისტებს განუცხადა. როგორც ჯეჯელავამ აღნიშნა, ტრადიციული ექსკურსიების წინააღმდეგი არ არიან, თუმცა, იგეგმება, რომ მეტი შემეცნებითი დატვირთვა იყოს.”ამიტომ, შევქმენით კატალოგი. ეს არის მიმღები ორგანიზაციების კატალოგი, რომელსაც აქვს სპეციალური პროგრამა სკოლის მოსწავლეებისთვის.ჩვენ ვეუბნებით სკოლებს, რომ თუკი ამ კონკრეტულ ადგილებში წაიყვანენ ბავშვებს და ჩატარებენ გასვლით გაკვეთილებს, მაშინ დამატებითი ანაზღაურების მიღების საშუალება ექნება მასწავლებელს. წელს დაიწყო ამის დანერგვა, ცალკეული შემთხვევები გვქონდა. მომავალი სასწავლო წლიდან, სექტემბრიდან, იმედი გვაქვს, რომ ფართო გავრცელება ექნება ამას”,- აღნიშნა ჯეჯელავამ.