ლონდონში მომხდარი ტერაქტის შედეგად 6 მოქალაქე დაიღუპა, ხოლო პოლიციამ 3 ეჭვმიტანილი მოკლა. სამართალდამცველების განცხადებით ეჭვმიტანილებს ყალბი ფეთქებადი ჟილეტები ეცვათ. უახლეს ინფორმაციას და ვიდეოს მომხდარის შესახებ BBC ავრცელებს. 

 

ლონდონის სასწრაფო დახმარების ინფორმაციით, ქალაქის 5 საავადმყოფოში 48 პაციენტია გადაყვანილი. ამ დროისთვის ლონდონ ბრიჯი და მეტროსადგური ლონდონ ბრიჯი დაკეტილია.

 

შეგახსენებთ, რომ ადგილობრივი დროით დაახლოებით 22:00 საათისთვის, ლონდონ ბრიჯზე თეთრი ფერის სატვირთო ავტომობილი ფეხით მოსიარულეებში შეიჭრა და ხალხს გადაურა, შემდეგ კი ადამიანებს ცივი იარაღით დაესხნენ თავს.

 

ბრიტანეთის პრემიერმინისტრმა ტერეზა მეიმ ლონდონში მომხდარ თავდასხმას საშინელი და შემაძრწუნებელი უწოდა, ლონდონის მერმა სადიყ ხანმა განაცხადა, რომ ამ ლაჩრულ თავდასხმას უდანაშაულო ლონდონელებზე და ქალაქის სტუმრებზე   არანაირი გამართლება არა აქვს.