ლონდონში ტერაქტის შემდეგ პოლიციის რეიდები მიმდინარეობს. უკვე დაკავებულია 12 ეჭვმიტანილი, რომელთაც ლონდონ ბრიჯის ტერაქტთან კავშირში ედებათ ბრალი.
პოლიციის ცნობით, ეჭვმიტანილები ლონდონის აღმოსავლეთ რაიონში დააკავეს.
დიდი ბრიტანეთის შინაგან საქმეთა მინისტრის, ემბერ რუდის თქმით, დიდი ალბათობით ლონდონის ხიდზე ტერაქტი, რადიკალმა ისლამისტმა ტერორისტებმა მოაწყვეს.
შეგახსენებთ, თავდასხმა გუშინ ღამით მოხდა. ფეხით მოსიარულეებს ჯერ სატვირთო ავტომობილი დაეჯახა და შემდგომ თავდამსხმელებმა გამვლელების დანით დაჭრა დაიწყეს.
ტერაქტის შედეგად 7 ადამიანი გარდაიცვალა, ხოლო 48 დაშავდა, მათგან 21 ადამიანის ჯანმრთელობის მდგომარეობა კრიტიკულია