სამეგრელო–ზემო სვანეთის მხარის საპატრულო პოლიციის უფროსმა დავით მჟავიამ დაკავებული თანამდებობა დატოვა. თანამდებობის დატოვების მიზეზად საკადრო ცვლილება დასახელდა, რომლის მიხედვითაც მჟავიამ სამეგრელოდან გორში გადაინაცვლა და გორის საპატრულო პოლიციის უფროსის მოადგილის თანამდებობა შეითავსა.
ცნობისათვის, დავით მჟავია სამეგრელო–ზემო სვანეთის მხარის საპატრულო პოლიციის უფროსად მიმდინარე წლის 4 მარტს დაინიშნა. ჯერჯერობით გაურკვეველია თუ ვინ შეცვლის სამეგრელო–ზემო სვანეთის მხარეში დავით მჟავიას.