გამოცდაზე ჩაჭრილ მოსწავლეებსა და აბიტურიენტებს, შესაძლოა, გამოცდის მეორედ ჩაბარების შანსი მიეცეთ

მე-12 კლასელებს და აბიტურიენტებს, ვინც გამოცდაზე ჩაიჭრებიან, შესაძლოა, გამოცდის მეორედ ჩაბარების შანსი მიეცეთ. ინიციატივა პარლამენტის განათლების კომიტეტის თავმჯდომარეს მარიამ ჯაშს ეკუთვნის. აღნიშნული ინიციატივა ჯაშმა კონფერენციაზე – "სახელმწიფო და საერთაშორისო შეფასება: სასკოლო განათლების ძირითადი გამოწვევები" გამოთქვა. ინიციატივის თანახმად, მეორე შანსი უნდა მიეცეთ იმ მოზარდებს, ვინც ემოციური ფონის, ტექნიკური ხარვეზებისა თუ გაუმართაობის გამო, გამოცდებზე ჩაიჭრა. როგორც განათლების მინისტრმა განაცხადა, ამ ინიციატივას სამინისტრო სამომავლოდ აუცილებლად განიხილავს.”განათლების კომიტეტის თავმჯდომარემ ხაზი გაუსვა იმას, რომ ემოციური ფონის ან ტექნიკური გაუმართაობის გამო პრობლემები იქმნება. არსებობს სურვილი, რომ მიდგომა გახდეს ჰუმანური და ვინც ამ პრობლემებს წააწყდება, ჰქონდეს გამოცდების ჩაბარების მეორე შანსი. ჩვენ დავპირდით კომიტეტის თავმჯდომარეს, რომ ამ საკითხს აუცილებლად განვიხილავთ, თუმცა ამას ახლავს სერიოზული საფრთხეები, ვინაიდან მეორე გამოცდის გაჩენამ, შეიძლება შედეგიანობაზე უარყოფითად იმოქმედოს. მეორე გამოცდის იმედით, პირველს შეიძლება ნაკლები მოტივაციით მიუდგნენ. ეს სერიოზული მსჯელობის საგანია”, – განაცხადა ალექსანდრე ჯეჯელავამ.

გამოცდაზე ჩაჭრილ მოსწავლეებსა და აბიტურიენტებს, შესაძლოა, გამოცდის მეორედ ჩაბარების შანსი მიეცეთ

სიახლეები

ჩეხეთმა ქართული დიპლომატიური და სამსახურებრივი პასპორტებისთვის უვიზო რეჟიმი გააუქმა

სამმა პირმა 1.137 ძირი კანაფიდან 143 კგ ნარკოტიკი მოიყვანა – სამივეს უვადო პატიმრობა ემუქრება

ჩეხეთმა ქართული დიპლომატიური და სამსახურებრივი პასპორტებისთვის უვიზო რეჟიმი გააუქმა

ჩარლზ III- დღეს, როცა ტირანია კვლავ ემუქრება ევროპას, ერთად ვდგავართ უკრაინის მხარდასაჭერად