სავარაუდოდ რამდნიმე დღეში სინოდის კრება გაიმართება, სადაც გავრცელებული ინფორმაციით მღვდელმთავრებმა ჭყონდიდის მიტროპოლიტის საკითხი უნდა განიხილონ. არ არის გამორიცხული მეუფე პეტრეს მიმართ სინოდმა ხისტი გადაწყვეტილება მიიღოს. საპატრიარქოს იურისტს კი ერთი დღეს დასჭირდა იმისთვის, რომ საპატრიარქოს შენიშვნებისთვის ეპასუხა. ედიშერ ქარჩავას განცხადებას ჭყონდიდის მიტროპოლიტ პეტრესთან დაკავშირებით, რომ თითქოს მას ილია მეორის მოკვდინება სურდა, საპატრიარქო გაემიჯნა.საპატრიარქოს წარმომადგენლები დღეს კიდევ ერთხელ აცხადებდნენ, რომ ედიშერ ქარჩავას განცხადებები არც წმინდა სინოდთან ყოფილა შეთანხმებული და არც საპატრიარქოს სამდივნოსთან. თუმცა იმის მიუხედავად, რომ იურისტმა განცხადებები დამოუკიდებლად გააკეთა, სამსახურიდან არ გაათავისუფლეს, საპატრიარქოსგან კი გაფრთხილება მიიღო.თეოლოგების აზრით, იმის გამო, რომ საპატრიარქოს იურისტის მიმართ მხოლოდ გაფრთხილებთ შემოიფარგლნენ, ეჭვები შორენა თეთრუაშვილის გავლენებზე უფრო ძლიერდება.სინოდის რიგგარეშე სხდომა სავარაუდოდ ივნისში გაიმართება, მღვდელმთავრების შეკრების თარიღი პატრიარქმა უნდა დაადგინოს.