წალენჯიხის რაიონის სოფელ ჭალეში ადგილობრივი მოსახლეობის ნაწილი წინააღმდეგია მათ კუთვნილ მიწის ნაკვეთებზე და სამოსახლო ტერიტორიაზე დადგან მაღალი ძაბვის გადამცემი ანძები. ადგილზე მობილიზებულია წალენჯიხის პოლიციის სამმართველოს თანამშრომლები. მოსახლეობა უფლებას არ აძლევს შეიყვანონ ტექნიკა და ამბობენ, რომ ეს ანძები და გადამცემი ხაზები საფრთხეს უქმნის მათ ჯანმრთელობას. ისინი ექსპერტიზის ჩატარებას ითხოვენ. იმ შემთხვევაში თუ დადგინდება, რომ ანძები მათ საფრთხეს შეუქმნის, მოსახლეობა გასახლებას და კომპენსაციების მიღებას ითხოვს.