მიხეილ სააკაშვილის განცხადებით რუსეთის კანონიერი ქურდები მასზე თავდასხმას გეგმავდნენ, როგორც სააკაშვილი ფეისბუკზე წერს, მას ამის შესახებ ცნობებს უცხოეთის სამართალდამცავი სტრუქტურები აწვდიდნენ, თუმცა ამჟამად აღნიშნული ფაქტი თავად რუსულმა წყარომაც დაუდასტურა:„სადღაც 2007 წელს FBI-მ გამაფრთხილა, რომ რუსი კანონიერ ქურდები ჩემს წინააღმდეგ რაღაცას ამზადებდნენ. 2008 წელს ავსტრიულმა პრესამ ამაზე გამოძიება ჩაატარა, 2012 წელს კი იგივე მონაცემები მოვიდა ფრანგული შსს-სგანაც. მაგრამ გუშინ ჩემს გადაცემაში, რუსულმა წყარომ იგივე პირველად დაადასტურა.მარიამ მასკაკოვამ, რომელსაც რუს კრიმინალურ ავტორიტეტთან პირადი ურთიერთობა ქონდა, განაცხადა რომ არაერთხელ იყო იმის მოწმე, თუ როგორ გეგმავდნენ კანონიერი ქურდები ჩემზე თავდასხმას. ეს იყო მათი პასუხი იმ მკაცრ ზომებზე, რომელიც მე მათ წინააღმდეგ საქართველოში გავატარე.“- წერს მიხეილ სააკაშვილი ფეისბუკზე.
“ეს იყო მათი პასუხი იმ მკაცრ ზომებზე, რომელიც მე მათ წინააღმდეგ საქართველოში გავატარე“-მიხეილ სააკაშვილის თქმით, მასზე თავდასხმას რუსები გეგმავდნენ (Video)
Published on