საპატრიარქოს იურისტი: მეუფე პეტრეს წინააღმდეგ წერილობითი მტკიცებულება მაქვს

საპატრიარქოს იურისტის, ედიშერ ქარჩავას განცხადებით, მას წერილობითი მტკიცებულება გააჩნია, რომ მეუფე პეტრე პატრიარქის ტახტიდან ჩამოშორებისა და მოკვდინებას ცდილობდა. მისივე თქმით, სიტყვა – მოკვდინებაში არა სისხლის სამართლებრივ დანაშაულს, არამედ საეკლესიო ტერმინს გულისხმობს. ქარჩავა არ აკონკრეტებს, რა გზით მოიპოვე ეს მტკიცებულება. მისი თქმით, ეს ფაქტი დეკანოზ გიორგი მამალაძეს საქმეს პირდაპირ არ უკავშირდება, თუმცა მათ შორის გარკვეულ არაპირდაპირ კავშირს ხედავს.„თუ წმინდა სინოდის წევრები დაინტერესდებიან, შემიძლია მტკიცებულებები მათ წარვუდგინო, დავუსაბუთო, რომ ის ებრძვის კათოლიკოს-პატრიარქს, უნდა მისი საპატრიარქო ტახტიდან ჩამოშორება და მისი მოკვდინება. ეს არის წერილობითი მტკიცებულება და ასევე ის ინფორმაცია, რომელიც მე გამაჩნია. საიდან გამაჩნია, ამ ინფორმაციას გავანდობ მხოლოდ და მხოლოდ ეპისკოპოსებს, იმ დაინტერსებულ პირებს, ვინც მე მომმართავს“, – აღნიშნა ქარჩავამ.საპატრიარქოს იურისტის განცხადებით, მეუფე პეტრეს მოქმედება მიმართული არის პირდაპირ ეკლესიის და პატრიარქის წინააღმდეგ. საპატრიარქოს იურისტმა მეუფე პეტრეს წინააღმდეგ განცხადება გუშინაც გააკეთა. ის ამბობს, რომ მეუფე პეტრეს პატრიარქის მოკვლის სურვილი ჰქონდა. ედიშერ ქარჩავას თქმით, საპატრიარქოში არის ჯგუფიც, რომელიც ამ პროცესში ჭყონდიდელ მიტროპოლიტთან ერთად არის ჩართული. საპატრიარქოს იურისტი მალე ამ ჯგუფის წევრების დასახელებასაც აპირებს.ჭყონდიდელი მიტროპოლიტი, მეუფე პეტრე (ცაავა) საპატრიარქოს იურისტ ედიშერ ქარჩავას ბრალდებას გუშინვე გამოეხმაურა და მას ცილისწამება უწოდა.

საპატრიარქოს იურისტი: მეუფე პეტრეს წინააღმდეგ წერილობითი მტკიცებულება მაქვს

სიახლეები

საბაკალავრო პროგრამებზე სახელმწიფო უნივერსიტეტებში ჩარიცხული სტუდენტების რაოდენობა 10%-ით შემცირდა

ეროვნული ბანკი მოსახლეობას აფრთხილებს

2026 წლის ერთიანი ეროვნული გამოცდების შედეგებით, 3 141 აბიტურიენტი პროფესიულ საგანმანათლებლო პროგრამებზე ჩაირიცხა

უკრაინამ რუსეთის ქალაქ კოტოვსკში Wildberries-ის ლოგისტიკური ცენტრი დაბომბა