პატრიარქის დაცვის უფროსად დანიშვნიდან სამ თვეში ზურაბ ბუჩუკური თანამდებობიდან გადააყენეს. ამ დროისთვის უცნობია მისი შემცვლელის ვინაობაც. თუმცა, ბუჩუკურის გათავისუფლებას სახელმწიფო დაცვის სამსახურში ადასტურებენ.
როგორც სახელმწიფო დაცვის სპეციალური სამსახურში აცხადებენ, ცვლილება ჩვეულებრივ, გეგმური როტაციის წესით მოხდა. ბუჩუკური კვლავ აგრძელებს მუშაობას უწყებაში, თუმცა მის ადგილს არსებულ რამდენიმე კანდიდატს შორის ის დაიკავებს, რომელსაც თვითონ პატრიარქი შეარჩევს.
26 თებერვალს, პატრიარქის დაცვის უფროსმა სოსო ოხანაშვილმა თანამდებობის დატოვების შესახებ გავრცელებული ინფორმაცია დაადასტურა და რომ ილია მეორის დაცვის ახალ უფროსად ზურაბ ბუჩუკური დაინიშნა.