ცოტნე გამსახურდია გაუგებრობაში ჩარჩენილებისთვის ,,მარტივად'' ხსნის, რას ერჩიან საქართველოში ბიძინა ივანიშვილს.
„ერთი მეგობარი მეკითხება, რას ერჩით ბიძინა ივანიშვილს, რა ქნას, ამ ერთმა კაცმა ააშენოს ქვეყანაო?“„მართლა ვერ ხვდებით, რას „ვერჩით“? – წერს ცოტნე გამსახურდია თავის ფეისბუქგვერდზე – ვერჩით იმას, რომ ყველაფრის გაკონტროლება უნდა და თან – ამის უსასრულოდ გაგრძელება!
ვერჩით იმას, რომ ჩაკეტილი აქვს მთელი პოლიტიკური სისტემა და ქვეყანა ერთ დიდ ბაზრობად უნდა აქციოს და თავის კარ-მიდამოდ!
ვერჩით, რომ მხოლოდ არჩევნებამდე ერთი თვით ადრე გამოყოფს ცხვირს, დააყენებს ტყუილების კორიანტელს, გააჩაღებს აღებ-მიცემობას და მერე შარშანდელი თოვლივით იკარგება, და მხოლოდ საკუთარ ბიზნეს-იმპერიაზე ზრუნავს!
ვერჩით უამრავ ტყუილს, უსამართლობას, უთანასწორობის დამკვიდრებას და გარეწრების აღზევებას, სამართლიანობის ცნების დევალვირებას, საქართველოს პროვინციალიზაციას საგარეო პოლიტიკურ არენაზე, სახელმწიფო ინსტიტუტების ნგრევას და კორუფციის და არაფორმალური ურთიერთობების აყვავებას!
კიდევ მოგახსენოთ, თუ საკმარისია?”-წერს ცოტნე გამსახურდია.