რუსული მედიის ინფორმაციით, გამომძიებლები კრასნოიარსკის ვიცემერის მე-17 სართულიდან გადმოვარდნის ფაქტს იძიებენ. იური პარიგინი ადგილზე გარდაიცვალა. რეგიონის საგამოძიებო კომიტეტის ოფიციალური წარმომადგენლის, ოლგა შამანსკაიას ინფორმაციით, პოლიციაში საღამოს შევიდა ზარი რკინიგზის რაიონში მე-17 სართულიდან მამაკაცის გადმოვარდნის შესახებ, რომელიც ადგილზევე გარდაიცვალა.„გარდაცვლილი უკვე ამოცნობილია. ის იური პარიგინია. ამ დროისთვის ადგილზე საგამოძიებო ჯგუფი მუშაობს. ისინი მომხდარის სხვადასხვა ვერსიაზე მუშაობენ, მათ შორის, ოჯახურ კონფლიქტზე“, – განაცხადა შამანსკაიამ.პარიგინი მუნიციპალური ქონებისა და მიწებთან დაკავშირებულ დეპარტამენტს ხელმძღვანელობდა და კრასნოიარსკის ვიცემერის მოვალეობას ასრულებდა.