სამთავრობო ცვლილებების შესახებ ინფორმაციას ვიცე-პრემიერი ალექსანდრე ჯეჯელავა არ ადასტურებს

სამთავრობო ცვლილებების შესახებ ჩემთვის ცნობილი არ არის და გუნდში ამაზე მსჯელობა არ მიმდინარეობს, – ამის შესახებ ვიცე-პრემიერმა, განათლებისა და მეცნიერების მინისტრმა ალექსანდრე ჯეჯელავამ ”პალიტრანიუსის” გადაცემაში ”ჩემი კითხვა” განაცხადა, როდესაც უპასუხა კითხვას, ადგილობრივი თვითმმართველობის არჩევნების წინ იგეგმება თუ არა სამთავრობო ცვლილებები. ჯეჯელავამ ზოგადად აღნიშნა, რომ თუ რომელიმე თანამდებობის პირი, მათ შორის მინისტრი, თავის მოვალეობებს ვერ შეასრულებს, აუცილებლად მოყვება სტრუქტურული ცვლილებების პროცესში.”სანამ მე მაგალითად ჩემს მოვალეობას ვასრულებ კეთილსინდისიერად და ვახერხებ იმ ამოცანების შესრულებას, რაზეც ვარ შეთანხმებული მთავრობასთან, იმ უწყებებთან, ვისთანაც მაქვს ანგარიშვალდებულება, მანამ აუცილებლად უნდა ვიყო თანამდებობაზე მეც და სხვებიც. ამის შემდეგ თუ მოხდა, რომ მე ვერ შევასრულე ეს ვალდებულებები, რა თქმა უნდა აღარ უნდა ვიყო თანამდებობაზე. კონკრეტული ცვლილებების შესახებ ჩემთვის ცნობილი არ არის და გუნდში ამაზე მსჯელობა არ მიმდინარეობს, თუმცა, პირობას გაძლევთ, ნებისმიერი მოხელე, მინისტრიდან დაწყებული, რომელიც რაიმე მიზეზით თავის მოვალეობებს არ ან ვერ შეასრულებს, აუცილებლად მოყვება ამ სტრუქტურული ცვლილებების პროცესში”, – აღნიშნა ჯეჯელავამ.

სამთავრობო ცვლილებების შესახებ ინფორმაციას ვიცე-პრემიერი ალექსანდრე ჯეჯელავა არ ადასტურებს

სიახლეები

უკრაინის იერიშების გამო რუსეთი საწვავის იმპორტსა და მის სუბსიდირებას განიხილავს

შსს- თბილისში კუსტარული ნარკოლაბორატორია აღმოაჩინეს, დაკავებულია ყაზახეთის 2 მოქალაქე

EP-უკრაინა ევროკავშირის სასესხო პაკეტიდან პირველ €3.2 მილიარდს 25-26 ივნისს მიიღებს

Procter & Gamble-მა სანქცირებულ TV იმედთან თანამშრომლობა შეწყვიტა – მედია