ესტონეთის საგარეო საქმეთა სამინისტრომ ქვეყანაში რუსეთის ფედერაციის გენერალურ კონსულს ნარვაში დიმიტრი კაზენოვს და კონსულს ანდრეი სურგაევს ნოტა გადასცა, რომლის მიხედვითაც მათ ესტონეთი უნდა დატოვონ. ამის შესახებ Postimees იუწყება.ესტონეთის საგარეო საქმეთა სამინისტროს პრესმდივანმა სანდრა კამილოვამ აღნიშნული ინფორმაცია დაადასტურა, მაგრამ კომენტარი არ გაუკეთებია.მომხდარზე კომენტარს არც რუსეთის საელჩოში აკეთებენ. უცნობია, რა დროში უნდა დატოვონ დიპლომატებმა ქვეყანა.გამოცემასთან საუბარში ესტონეთის უშიშროების პოლიციის ყოფილმა გენერალურმა დირექტორმა რაევო აეგმა განაცხადა, რომ ჩვეულებრივ, ასეთი გადაწყვეტილებები დაკავშირებულია ჯაშუშობასთან.