სულ მცირე 26 ადამიანი დაიღუპა და 30 დაშავდა ეგვიპტეში, ელ-მინიას პროვინციაში სალოცავად მიმავალი ქრისტიანების ავტობუსებისთვის გახსნილი ცეცხლის შედეგად. დაღუპულთა უმრავლესობა ბავშვებია.
ეგვიპტის ჯანდაცვის სამინისტროს ოფიციალურმა წარმომადგენელმა განაცხადა, ერთ-ერთ ავტობუსში ორმოცამდე ბავშვი იმყოფებოდა, ხოლო მეორე ავტობუსში – უფროსები.
საინფორმაციო პორტალი Al-Ahram იუწყება, რომ თავდამსხმელებმა ავტობუსს ცეცხლი ორი მანქანიდან გაუხსნეს. თავდასხმა ათამდე „ბოევიკმა“ განახორციელა.
ეგვიპტის პოლიცია მათი დაკავების ოპერაციას ატარებს.
ეგვიპტეს მომხდარ ტრაგედიას მთელი მსოფლიოში ეხმაურებიან.
ეგვიპტელ ხალხს სამძიმარს უცხადებს. საქართველოს პრეზიდენტი გიორგი მარგველაშვილი.
”ღრმა მწუხარებას გამოვთქვამ ეგვიპტის სამხრეთ ნაწილში ავტობუსებზე განხორციელებული შეიარაღებული თავდასხმის გამო, რომელსაც უდანაშაულო ადამიანთა მსხვერპლი მოჰყვა.
ვუსამძიმრებთ დაღუპულთა ოჯახებს და თანადგომას ვუცხადებთ ეგვიპტელ ხალხსა და ხელისუფლებას”, – ნათქვამია პრეზიდენტის სამძიმრის წერილში.