გუშინ, გვიან ღამით, ქობულეთის დასახლება გელაურიდან სადგურის გავლით, ევკალიპტის ასწლოვანი ხე გადაიტანეს.
იმისთვის, რომ შესაძლებელი ყოფილიყო დიდი გაბარიტების მქონე ტვირთის გადატანა, ქობულეთის სადგურის მიმდებარე ტერიტორიაზე ახალ გაკეთებული წრიულის დემონტაჟი , კერძოდ ბორდიურების ამოღება გახდა საჭირო. – ამის შესახებ ,,გურია ნიუსი'' იუწყება.
ხის ტრანსპორტირება უკვე დასრულებულია და იგი ზღვის სანაპიროზეა ჩატანილი, საიდანაც ბარჟით გურიის მიმართულებით გადაიტანენ.
აჭარის საზოგადოებრივ მაუწყებელთან ქობულეთის გამგებლის მოადგილე, მალხაზ რომანაძე აცხადებს, რომ წრიულის ინფრასტრუქტურის აღდგენის ხარჯებს დაფარავს შპს "ანაგი", რომელიხ ხის გადასატან სამუშაოებს ასრუებს.
დილიდან წრიულის ერთი ნაწილის აღდგენაზე მიმდინარეობს მუშაობა.
აჭარიდან გურიაში დენდროლოგიურ პარკში 15 მრავალწლოვანი ხის გადარგვა მოხდა.