აშშ-ის პრეზიდენტი, დონალდ ტრამპი ვატიკანში რომის პაპმა ფრანცისკემ მიიღო.
შეხვედრა აშშ-ის პრეზიდენტსა და რომის პაპს შორის 30 წუთი გაგრძელდა. საუბრის შინაარსის შესახებ ინფორმაცია ჯერ არ გავრცელებულა.
რომის პაპთან შეხვედრის შემდეგ, ამერიკის პრეზიდენტი ვატიკანის ხელმძღვანელობასთან მოლაპარაკებებს გამართავს.
პრეზიდენტი ასევე სიქსტის კაპელას და წმინდა პეტრეს ბაზილიკას დაათვალიერებს.
ვატიკანში ჩატარებული შეხვედრის შემდეგ, დონალდ ტრამპს იტალიის პრეზიდენტი, სერჯო მატარელა მიიღებს. პროგრამის ბოლო პუნქტად კი, იტალიის პრემიერ-მინისტრ, პაოლო ჯენტილონისთან შეხვედრაა ჩანიშნული.