რუსმა მესაზღვრეებმა გალის რაიონის სოფელ ფიჩორში გერმანიის მოქალაქე დააკავეს. რუსეთის სასაზღვრო სამმართველოს ცნობით, იგი ოკუპირებულ აფხაზეთთან ადმინისტრაციული საზღვრის უკანონოდ გადაკვეთის ბრალდებით დააკავეს
მესაზღვრეების თქმით, გერმანიის მოქალაქემ განმარტა, რომ ის საფეხმავლო ტურიზმით არის დაკავებული და არ იყო ინფორმირებული ოკუპირებული აფხაზეთის საზღვრის შესახებ.
გერმანიის დაკავებული მოქალაქე სოხუმის საოკუპაციო რეჟიმის შესაბამის ორგანოებს გადასცეს.
რუსეთის სასაზღვრო პოლიცია ოკუპირებული აფხაზეთის ე.წ. საზღვარს 2009 წლიდან ვლადიმერ პუტინის განკარგულებით აკონტროლებს.