ზუგდიდის საკრებულოს გუშინდელ სხდომას სოციალურ ქსელში მძაფრი კრიტიკა მოყვა.
მოქალაქეთა სტატუსების ლაიტმოტივია აღშფოთება სამთავრობო დირექტივების ბრმად მორჩილი საკრებულო წევრებისა და, განსაკუთრებით, საკრებულოს თავმჯდომარის ნატალია შეროზიას ოდიოზური ქმედებით, რომელთაც, მიუხედავად საკრებულოს ოპოზიციური ფრაქციის წევრებისა და სხდომაზე მისული საზოგადოების წარმომადგენლების წინააღმდეგობისა, ფრიად უღირსი, კარიკატურული მეთოდებით გაიტანეს თავისი – მოიწონეს ,,მუნიციპალიტეტების გაერთიანების'' სამთავრობო პროექტი ისე, რომ ყურად არ იღეს მოსახლეობის უდიდესი უმრავლესობის აზრი.
,,ზუგდიდი მაინც დაეცა – საკრებულოს თავმჯდომარემ საკითხს განხილვის გარეშე უყარა კენჭი და დადებითი შედეგის გამოცხადების შემდეგ სხდომა სასწრაფოდ დახურა. სირცხვილია, ქალბატონო ნატო, ამას შთამომავლობა არ გაპატიებთ…'',,გასაოცარი დემოკრატია – გასაოცარი კენჭისყრა! – წამოხტომა, ტაში და გავარდნა ისე წამებში იყო შესრულებული, სამჯერ გადავახვიე, რომ გავრკვეულიყავი, რომელი რომლის მერე იყო''
,,დააკვირდით ფირს, თუ როგორ ჩაატარა ვიღაცა ტ…ა ქალმა სხდომა და როგორ ხდებოდა იქ მსხდომი წევრების მიმართ მუჯლუგუნის გაკვრა, რომ ხელი აეწიათ ( გეჭოფ ხე, წიე!) და ეს არის დემოკრატიული განხილვა ? ეს იყო საშინელება! ''