„ნაციონალური მოძრაობა“ პრეზიდენტს არჩევნების თარიღის სასწრაფოდ დანიშვნისკენ მოუწოდებს

0
297
„ერთიანი ნაციონალური მოძრაობა“ პრეზიდენტს მოუწოდებს, სასწრაფოდ დანიშნოს არჩევნების თარიღი, რათა „ივანიშვილის მზაკვრული გეგმა – თვითმმართველი ქალაქებისთვის სტატუსის ჩამორთმევასთან დაკავშირებით, ვერ განხორციელდეს“. „ნაციონალური მოძრაობის“ პრესსამსახურის ინფორმაციით, აღნიშნულის შესახებ გუშინ გამართულ ბრიფინგზე გიორგი ბოტკოველმა ისაუბრა. „საკრებულოს წევრებმა ერთპიროვნულად დაუჭირეს მხარი ბიძინა ივანიშვილის გადაწყვეტილებას თვითმმართველი ქალაქებისთვის სტატუსის გაუქმებაზე. დღეს ორ ქალაქში – ზუგდიდსა და ოზურგეთში საკრებულოს სხდომები იმართება, სადაც იგივე გადაწყვეტილებას მიიღებენ. ერთადერთი გამოსავალია, პრეზიდენტმა სასწრაფოდ დანიშნოს არჩევნების დღე, რათა ივანიშვილის მზაკვრული გეგმა ჩაიშალოს“, – განაცხადა გიორგი ბოტკოველმა.
წინა სტატიაინგლისის სტადიონზე მომხდარი აფეთქების შედეგი-19 დაღუპული და 55 დაშავებული
შემდეგი სტატიაფიჩორში გერმანიის მოქალაქე დააკავეს
ტელეკომპანია ოდიშის საინფორმაციო სამსახური