წვიმა და ცვალებადი ამინდი მთელი საქართველოს მასშტაბით 24 მაისამდე შენარჩუნდება. როგორც გარემოს ეროვნული სააგენტოს ჰიდრომეტეოროლოგიური პროგნოზების ცენტრის უფროსი სვეტლანა ნიორაძე აცხადებს, დღეს დილიდან შედარებით გამოიდარებს და ნალექი შეწყდება, თუმცა საღამოს საათებში უმეტეს რაიონში მაინც იწვიმებს.
რაც შეეხება დასავლეთ საქართველოს, გარემოს ეროვნული სააგენტოს ჰიდრომეტეოროლოგიური პროგნოზების ცენტრის უფროსის, სვეტლანა ნიორაძის ინფორმაციით, უმეტეს რაიონებში დღის მეორე ნახევრიდან კვლავ იწვიმებს. მისივე თქმით, წვიმა და არამდგრადი ამინდი მთელი საქართველოს მასშტაბით 23 და 24 მაისამდე გაგრძელდება.