,,ქალაქი ზუგდიდი თავისუფალია!!! საკრებულოს თავმჯდომარე გაიქცა სხდომიდან!…'' – ასე გამოეხმაურა ქალაქ ზუგდიდის საკრებულოს მოულოდნელ და ამავე დროს მოსალოდნელ ფინალს ნაციონალური მოძრაობის წევრი მაია კალანდია, რომელიც თანაპარტიელებთან და სხვა ოპოზიციური პარტიების წევრებთან, არასამთავარობო სექტორისა და ფართო საზოგადოების წარმომადგენლებთან ერთად ესწრება ხმაურიან სხდომას, რომელსაც მმართველი პარტიისგან მიღებული დირექტივის თანახმად ხმა უნდა მიეცა ზუგდიდისათვის ქალაქის სტატუსის ჩამორთმევისათვის.
ჩვენი კორესპონდენტი ადგილიდან ადასტურებს, რომ როცა სხდომის დასაწყისიდანვე მკვეთრად გამოხატულმა დაძაბულობამ პიკს მიაღწია, საკრებულოს თავმჯდომარემ ნატალია შეროზიამ დატოვა დარბაზი, ამ დროისათვის სხდომა შეწყვეტილია.
დირექტივის შესრულება ქალაქის საკრებულოში ისე მარტივად ვერ მიდის, როგორც ეს მოხდა ზუგდიდის მუნიციპალიტეტის საკრებულოში, რომელმაც 19 მაისს გამართულ სხდომაზე მოიწონა სამთავრობო კომისიის აღნიშნული წინადადება.