სკანდალურად ცნობილი სასულიერო პირი ანთიმოზ ბიჩინაშვილი მორიგ შეუფერებელ ინცინდენტში გაეხვა. ,, ნიუ პოსტი'' თვითმხილველების ინფორმაციაზე დაყრდნობით იუწყება, რომ მან საპატრიარქოსთან შეკრებილებს სიტყვიერი და ფიზიკური შეურაცხყოფა მიაყენა და მათი მიმართულებით დანა ისროლა.
თავის მხრივ არქიმანდრიტი ირწმუნება, რომ სიტყვიერი და ფიზიკური შეურაცხყოფა არავისთვის არ მიუყენებია და დანაც უბრალოდ ხელიდან გაუვარდა.
"დანა როგორ ვისროლე?! ვისროლე და ვიღაცას გავარტყი?!, ვისროლე კი არა, დანა ამოვიღე, დავარდა და იტრიალა, არავის არ შეხებია"- განაცხადა მან.- შეურაცხყოფაც არავისთვის მიმიყენებია. მამა ნიკოლოზის მომხრეები არიან და ჩემი ნაცნობები, მე მათ სიმშვიდისკენ მოუწოდე. თვითონ ვერ გაურკვევიათ რა უნდათ, ვუთხარი წადით, რა დაიშალეთ, ერთ ამბავში რომ ხართქო, სულ ეს იყო. ეს იყო მეგობრული მოწოდება, სამტრო რა მაქვს, სულ ჩემიანები არიან''