სომხეთის მთავრობა გადადგა. როგორც სომხური მედია წერს, ქვეყნის პრეზიდენტმა გადადგომასთან დაკავშირებით მთავრობის თხოვნა დააკმაყოფილა და შესაბამისი ბრძანებაც გამოსცა.ბრძანებაში აღნიშნულია, რომ პრეზიდენტმა მათ დროებით მოვალეობის შესრულება დააკისრა.
დღეს, სომხეთის მე-6 მოწვევის პარლამენტის პირველი სხდომა გაიმართება. კონსტიტუციის თანახმად, მთავრობა უნდა გადადგეს. სომხეთის კანონმდებლობის შესაბამისად, პრემიერ-მინისტრისა და მინისტრთა კაბინეტის გადადგომის შემდეგ, მთავრობის წევრები მოვალეობის შესრულებას ახალი პარლამენტის მიერ მთავრობის დამტკიცებამდე განაგრძობენ. ახალი პრემიერი 10 დღის განმავლობაში, მინისტრთა კაბინეტი კი, პრემიერ-მინისტრის დანიშვნიდან 20 დღეში დაინიშნება.