„მოველით, რომ დღეს პარლამენტში მოვისმენთ, რას აპირებს პარლამენტში წარმოდგენილი უმრავლესობა იმისთვის, რომ რეაგირება გააკეთოს სახალხო დამცველის ანგარიშზე. კერძოდ, რას იტყვის პოლიტიკური ძალადობის ფაქტებზე, რომელიც ამ ქვეყანაში დღემდე დარჩა გამოუძიებელი და დაუსჯელი, – განაცხადა პარლამენტის ფრაქცია ნაციონალური მოძრაობის თავმჯდომარის მოადგილე,სალომე სამადაშვილმა პარლამენტში ომბუდსმენის ანგარიშის მოსმენის წინ.
პარლამენტარის თქმით, სახალხო დამცველის ანგარიშში საუბარია იმ პრობლემებზე, რომელიც ადამიანის უფლებათა დაცვის კუთხით ქვეყანაში არსებობს, მათ შორის სასამართლო სისტემაში, მედია თავისუფლების სფეროში არსებულ პრობლემებზე, ომბუდსმენს პროკურატურის მიმართაც აქვს რამდენიმე შენიშვნა და რეკომენდაცია.
სალომე სამადაშვილი დადებითად აფასებს იმას, რომ ეს ფაქტები და მათ შორის რუსთავი2-ის საკითხი სათანადოდ არის ასახული სახალხო დამცველის ანგარიშში. თუმცა ამავე დროს თვლის, რომ ხელისუფლება, რომლის ხელში ადამიანის უფლების დაცვის ტენდენცია მზარდ უარყოფითი ხასიათს ატარებს, არ არის მზად გამოიტანის სათანადო დასკვნები და შეასრულოს ომბუდსმენის რეკომენდაციები.
დღეს უჩა ნანუაშვილი თავის ანგარიშს დეპუტატებს პლენარულ სხდომაზე გააცნობს. მოხსენების შემდეგ ადამიანის უფლებათა დაცვის კომიტეტის თავმჯდომარე წარადგენს დადგენილებას, სადაც ასახული იქნება, რა რეკომენდაციების გათვალისწინებას აპირებენ.