დღეს ნაციონალური მოძრაობის ზუგდიდის ორგანიზაციის წარმომადგენელმა ლევან თორიამ ბრიფინგი გამართა და ზედა ეწერში მცხოვრები გოდერძი გერგედავას ოჯახის მძიმე სოციალურ პრობლემებზე ისაუბრა.
პარტიაში აცხადებენ, რომ გერგედავების ოჯახს სოციალური დახმარება 2017 წლის აპრილში მოეხსნათ. როგორც ისინი აცხადებენ, სოციალურ სამსახურში განუმარტეს, რომ დახმარების მოხსნის მიზეზი მათ მიერ ელექტროენერგიის საფასურის გადახდა გახდა, რომელიც 25 ლარს შეადგენდა.
ენმ-ში ხელისუფლებასა და ბიძინა ივანიშვილს დაპირებების შეუსრულებლობაში ადანაშაულებენ. ოპოზიცია მთავრობის უმოქმედობაზე საუბრობს.