უკრაინაში დაღუპულ ქართველ მებრძოლს, დავით სიხარულიძეს, მშობლიურ სოფელ სუფსაში დღეს გადმოასვენებენ.
მაიორი სიხარულიძე ქართული არმიის ოფიცერი იყო, თუმცა ბოლო დროს ის უკრაინულ ბატალიონ აიდარში მსახურობდა.
სიხარულიძე აღმოსავლეთ უკრაინაში, პრორუს სეპარატისტებთან შეტაკებისას დაიღუპა. დავით სიხარულიძეს 2 მცირეწლოვანი შვილი დარჩა.
თავდაცვის სამინისტროს ინფორმაციით, 1973 წელს დაბადებული დავით სიხარულიძე, 2010-2014 წლებში კრწანისის სასწავლო ცენტრში, განათლების სარდლობაში მსახურობდა. 2014 წელს მან შეიარაღებული ძალები საკუთარი გადაწყვეტილებით დატოვა და უკრაინაში მოხალისედ გაემგზავრა.