აუდიტის სამსახურის ხელმძღვანელს ლაშა თორდიას წუხელ თავს დაესხნენ. ამის შესახებ „ინტერპრესნიუსს“ სახელმწიფო აუდიტის პრესსამსახურში განუცხადეს. მათივე ინფორმაციით, მომხდარს ლაშა თორდია სამსახურებრივ მოვალეობას უკავშირებს.
„ლაშა თორდიას თავს დაესხა ყოფილი მთავარი პროკურორი ოთარ ფარცხალაძე თავის დაცვასთან ერთად“, – აცხადებენ პრესსამსახურში.
ამ დროის მონაცემებით, ლაშა თორდია კლინიკაში იმყოფება.
გენერალური აუდიტორი აცხადებს, რომ აუდიტის სამსახური მოკვლევას აწარმოებდა ყოფილი მთავარი პროკურორთან ოთარ ფარცხალაძესთან დაკავშირებით.
”მას თუ ჰგონია, რომ ამით რაღაც შიშს დანერგავს და ვიღაც რაღაცას გადაასწორებს, ძალიან ცდება. ორშაბათს, 15 მაისს გავასაჯაროებ აუდიტის ხელთ არსებულ მასალებს და კონკრეტულ ინფორმაციას მიიღებთ კონკრეტულ საქმესთან დაკავშირებით თუ რაზეა საუბარი. – განაცხადა თორდიამ.
სავარაუდოდ, მასალები 2016 წელს მიწების გადაცემის საკითხს ეხება.