რუსეთის თავდაცვის სამინისტრომ დაადასტურა, რომ რუსული გამანადგურებელი Су-30 9 მაისს, შავი ზღვის თავზე ამერიკულ მზვერავ თვითმფრინავს P-8 Poseidon-ს მიუახლოვდა. „9 მაისს, დაახლოებით 12:00 საათზე, რუსთის საჰაერო სივრცის კონტროლის ძალებმა შავი ზღვის ნეიტრალური წყლების თავზე საჰაერო სამიზნე აღმოაჩინეს, რომელიც რუსეთის სახელმწიფო საზღვარს უახლოვდებოდა. აღნიშნულთან დაკავშირებით, სამხრეთ სამხედრო ოლქის ჰაერსაწინააღმდეგო თავდაცვის მორიგე გამანადგურებელი Су-30 გაიგზავნა. რუსული გამანადგურებლის პილოტები უსაფრთხო მანძილზე მიუახლოვდნენ საჰაერო ობიექტს და ვიზუალურად მოახდინეს მისი იდენტიფიცირება, როგორც ამერიკული მზვერავი საჰაერო ხომალდი P8A Poseidon“, – ნათქვამია რუსეთის თავდაცვის სამინისტროს განცხადებაში. როგორც რუსეთის თავდაცვის უწყება აღნიშნავს, „რუსმა მფრინავებმა მისასალმებელი მანევრი შეასრულეს, რის შემდეგაც ამერიკულმა საჰაერო ხომალდმა მარშრუტი შეცვალა“.
რუსული გამანადგურებელი Су-30 შავი ზღვის თავზე ამერიკულ მზვერავ თვითმფრინავს მიუახლოვდა
Published on