დღეს დილით რომის ცენტრში, ავანტინოს ქუჩაზე მდებარე ფოსტის შენობასთან აფეთქება მოხდა – ტელეარხი RAI Nevsi ავრცელებს ინფორმაციას, რომ აფეთქების შედეგად დაზიანდა ფოსტასთან პარკირებული ერთი მანქანა. დაშავებულები არ არიან.
ადგილზე ჩატარებული საგამოძიებო სამუშაოების შედეგად დადგენილია, რომ აფეთქება ხელნაკეთი მოწყობილობით მოხდა. ერთი ვერსიით პლასტმასის ყუთში მოთავსებული ბომბი დამონტაჟებული იყო სადგომზე მდგარ ორ მანქანას შორის,მეორე ცერსიით, უშუალოდ ფოსტის შესასვლელთან და მანქანა აფეთქების ტალღამ დააზიანა.
რომის პროკურატურის განცხადებით, რომში დღეს მომხდარი აფეთქების ყველაზე სავარაუდო კვალი ანარქისტულ ძალებზე გადის, მაგრამ არ გამოირიცხება, რომ ეს შესაძლოა კრიმინალური ინციდენტიც იყოს.