NDI საქართველოს დირექტორი ლორა თორნტონი მიმდინარე წლის აპრილის კვლევის შედეგებზე და ძირითად მიგნებებზე საუბრობს.
ლორა თორნტონი ამბობს, რომ კვლევის მთავარი დასკვნა არის ის, რომ ქართულ საზოგადოებაში ევროკავშირისადმი და ნატოსადმი წევრობის მხარდაჭერა განსაკუთრებით მაღალია და გასული წლის ნოემბრის შემდეგ კიდევ უფრო ამაღლდა, მაგრამ არსებობს მითებიც, რომელიც წარმოქმნილია არასწორი ინფორმაციის გავრცელების, პროპაგანდის საფუძველზე რომ ნატოსა და ევროკავშირის წევრობა გამოიწვევს რუსეთის აგრესიას და ეროვნული იდენტობასა და კულტურას ემუქრება.
მისი თქმით ამ მითების მიმართ ყველაზე დაუცველნი ასაკოვანი ადამიანები და ეთნიკური უმცირესობებით დასახლებულ ადგილებში მცხოვრებნი არიან.
თორტონი ყურადღებას ამახვილებს იმაზე, რომ კვლევამ აჩვენა, რომ საქართველოში სჯერათ, რომ რუსეთს პროპაგანდა ძლიერია. ასევე საინტერესოა უსაფრთხოების თემა – ქართველებს სჯერათ, რომ აშშ და თითონ საქართველო არიან მთავარი გარანტორები ეროვნული უსაფრთხოების.
ლორა თორნტონის თქმით, ცხადია, ხალხს აქვს ინფორმაცია ვიზალიბერალიზაციის შესახებ, თუმცა ამავე დროს არსებობს მითები, რომ საქართველოში გაიზრდება ლტოლვილების რაოდენობა ან პირიქით საქართველოდან მიგრაცია მასობრივი გახდება.
“გვჭირდება აქტიური საგანმანათლებლო კამპანია, მივაწოდოთ მათ ინფორმაცია, რას ნიშნავს ევროკავშირის და ნატოს წევრობა, მივაწოდოთ მეტი ინფორმაცია რუსეთის შესახებ”, – ამბობს თორნტონი.