„ მივმართავთ გაეროს გენერალურ მდივანს, მოავლინოს საგანგებო საერთაშორისო კომისია რეგიონში ეკოლოგიური გენოციდის აღსაკვეთად – კალაძე-ივანიშვილის მილიარდიან ენერგობიზნესის ინტერესებს ეწირება თერგ-არაგვის ხეობა და ბაზალეთის საკურორტო ზონა. .-აცხადებს ლეიბორისტული პარტიის თავმჯდომარე შალვა ნათელაშვილი და კატეგორიულად მოითხოვს შეწყდეს მაღალი ძაბვის საოკუპაციო გადამცემი ხაზის მშენებლობა კავკასიონზე, რაც გამოიწვევს ამ უნიკალური საკაცობრიო რეგიონის დემოგრაფიულ, ეკოლოგიურ და ისტორიულ კატასტროფას''
ლეიბორისტების ლიდერი ხანდოს ხეობის მოსახლეობის მიერ გუშინ ფასანაურში საპროტესტო აქციაზე დაკავებულების გათავისუფლებასაც მოითხოვს.
შეგახსენებთ, გუშინ ფასანაურში მომხდარი პოლიციასა და მოსახლეობას შორის დაპირისპირებისას 2 მოქალაქე დააკავეს, დღეს სასამართლომ ისინი 400-400 ლარის ჯარიმის სანაცვლოდ გაათავისუფლა.
ადგილობრივი მოსახლეობა აცხადებს, რომ პროტესტი ამით არ შეწყდება – ისინი ხანდოს ხეობაში იმორიგევებენ, რათა მაღალი ძაბვის ელექტრო ხაზების სამუშაოები არ აღდგეს.