.სხვისი ხმების საკუთარ ხმებად მიწერა, არამარტო სამართლიანად არ ჟღერს ჩემთვის, ვფიქრობ, რომ ძლიერმა პარტიამ ეს არც უნდა იკადროს, – ამის შესახებ საქართველოს პრეზიდენტმა გიორგი მარგველაშვილმა გორში საკონსტიტუციო ცვლილებების პროექტის საყოველთაო-სახალხო განხილვაზე განაცხადა
მისივე თქმით, საკონსტიტუციო სისტემა სამართლიანობაზე უნდა იყოს დამყარებული.
„სხვისი ხმების დარეგისტრირება, საკუთარ ხმებად მიწერა, არა მარტო სამართლიანად არ ჟღერს ჩემთვის, გარკვეულწილად ვფიქრობ, რომ ძლიერმა პარტიამ ეს არც უნდა იკადროს. რად უნდა სხვისი ხმები. რაც შენია, შენია და რაც შენი არ არის, შენი არ არის. თუ იტალიაში სხვანაირად არის, არ გავზრდილვარ იტალიაში და სადაც გავიზარდე იქ, ასე იყო, რომ რაც შენია შენია და რაც შენი არ არის, შენი არ არის. ამაზეც პოლიტიკურ პარტიებს ვკითხოთ ჭკუა. ეს ხომ მათი სათამაშო მოედანია“, – განაცხადა მარგველაშვილმა.
სოციალურ ქსელში პრეზიდენტის შეკითხვა უკვე გადაამისამართეს ,, ევროპულ საქართველოზე'', რომელმაც ,,ერთიანი ნაციონალური მოძრაობის ლიდერის მიხეილ სააკაშვილის სურათისა და სახელის ფრიალით მოიპოვა ხმები არჩევნებში და პარლამენტში მოხვედრისთანავე გაემიჯნა მას.