მთავარისიახლეებირეგიონებიტრაგედია ტყიბულის შახტაში, სავარაუდოდ არის მსხვერპლი

ტრაგედია ტყიბულის შახტაში, სავარაუდოდ არის მსხვერპლი

Published on

ტყიბულის მინდელის სახელობის შახტში რამდენიმე საათის წინ  უბედური შემთხვევა მოხდა –  მიმდინარეობდა ბადიას (ნახშირის ამომღები  მოწყობილობის) ბაგირის შეცვლის გეგმიური სარემონტო სამუშაოები, რომელზეც დაკავებული იყო შახტის სარემონტო ბრიგადა, სამუშაოებზე პასუხისმგებელი  პირის ხელმძღვანელობით. სამუშაოების მსვლელობის პროცესში ნახშირის ამომღები ბადია, რომლის უშუალო სარემონტო სამუშაოებით დაკავებული იყო ოთხი თანამშრომელი, ჯერ კიდევ დაუდგენელი მიზეზების გამო, ჩაწყდა სარემონტო პოზიციიდან. საარაუდოდ დაღუპულია ოთხი ადამიანი
 
"მიმდინარეობს ყველა საჭირო ღონისძიების განხორციელება სარემონტო ბრიგადის  მოძიება-გადარჩენის მიზნით. შექმნილია მოკვლევის ჯგუფი, რომელიც დაადგენს ავარიის გამომწვევ მიზეზებს,“ – აღნიშნულია კომპანია საქნახშირის მიერ გავრცელებულ ინფორმაციაში.
 
ტყიბულში, მინდელის სახელობის შახტასთან ადგილობრივი მოსახლეობა, მეშახტეები და დაღუპული მეშახტეების ოჯახის წევრები არიან შეკრებილი. შახტაში ჩასული არიან სამაშველო სამსახურის წარმომადგენლები და მიმდინარეობს სამაშველო ოპერაცია დაღუპულების ამოსაყვანად. 
 
ადგილზე იმყოფებიან ”ქართული ოცნების” ლიდერი მამუკა მდინარაძე და იმერეთის გუბერნატორი გივი ჭიჭინაძე.  შემთხვევის ადგილზე უკვე ჩავიდა რეგიონული განვითარებისა და ინფრასტრუქტურის მინისტრს ზურაბ ალავიძე 
 
საქართველოს პრემიერ-მინისტრი გიორგი კვირიკაშვილი მინდელის შახტაში მომხდარ უბედურ შემთხვევასთან დაკავშირებით განცხადებას ავრცელებს. 
 
„ამ მძიმე წუთებში, მინდა თანადგომა გამოვუცხადო შახტში მომუშავეთა ოჯახებს. შესაბამისი სამსახურებისგან ვიღებ ინფორმაციას ტრაგედიის ადგილზე განვითარებული მოვლენების შესახებ. შემთხვევის ადგილზე იმყოფებიან საქართველოს მთავრობის წევრები და ადგილობრივი ხელისუფლების წარმომადგენლები. მინდელის შახტში იმუშავებენ შესაბამისი ჯგუფები, რათა უსწრაფესად განხორციელდეს მეშახტეთა სამძებრო სამუშაოები და ასევე, დადგინდეს ტრაგედიის გამომწვევი მიზეზი“, – ნათქვამია პრემიერის განცხადებაში.

სიახლეები

რა ხდება მოსკოვში, ბალაშიხაში, სადაც დიდი ქიმიური ქარხანა იწვის [ვიდეო]

მოსკოვში ცეცხლი გაჩნდა ბალაშიხას ქიმიურ ქარხანაში, რომელიც ერთ-ერთი უდიდესია რუსეთში. ხანძრის კერა, სავარაუდოდ, საწყობში...

არა მგონია, წალენჯიხაში მოეწონოთ, ტრუსიკიანმა კაცმა “ფერარით” რომ გაიშხუილა – არქიმანდრიტი დოროთე

არქიმანდრიტი დოროთე ყურაშვილი წალენჯიხაში კახა კალაძის ჩასვლაზე საკვირაო ქადაგების დროს ისაუბრა და ამასთან დაკავშირებით...

რუსეთის იერიშებს ზაპოროჟიესა და დნეპრზე მსხვერპლი მოჰყვა

ზაპოროჟიეში რუსული შეტევის შედეგად ერთი ადამიანი დაიღუპა, ოთხი დაიჭრა, დაჭრილთა შორის ბავშვიცაა. უხელ რუსეთის სამიზნე...

მოგიწოდებთ, სახე შეინარჩუნოთ – ანდრო ჭიჭინაძის ადვოკატი მოსამართლე ნინო გალუსტაშვილს

მოგიწოდებთ, სახე შეინარჩუნოთ,- ასე მიმართა მსახიობ ანდრო ჭიჭინაძის ადვოკატმა ნათია კორკოტაძემ მოსამართლე ნინო გალუსტაშვილს. ადვოკატმა...