,,საფრანგეთი არ არის საპარლამენტო რესპუბლიკა, ისევე, როგორც კონსტიტუცია არ არის „მე, ბებია, ილიკო და ილარიონი“ – ასე უპასუხა საქართველოს პარლამენტის თავმჯდომარემ ირაკლი კობახიძემ ზუგდიდში, კონსტიტუციის პროექტის საერთო-სახალხო განხილვაზე გამოსულ მაია კალანდიას, რომელმაც ირაკლი კობახიძის განმარტებები პრეზიდენტის არჩევის წესთან დაკავშირებით ნოდარ დუმბაძის პერსონაჟების დიალოგს შეადარა – მისი თქმით, კობახიძის პოზიცია და გამოსვლა მას აგონებს პასაჟს ნოდარ დუმბაძის რომანიდან ,,მე, ბებია, ილიკო და ილარიონი'', როცა ილიკო ჩიგოგიძე უხსნის ილარიონ შევარდნაძეს,რა კარგია ერთი თვალი და რა ცუდია ორი თვალი.''
„საფრანგეთის მაგალითი იყო აქ მოყვანილი. საფრანგეთი არის არასაპარლამენტო, ნახევრად საპრეზიდენტო რესპუბლიკა. ჩვენ ვსაუბრობდით იმაზე, რომ საპარლამენტო სისტემებში, სადაც პრეზიდენტს ირჩევენ პირდაპირი წესით, წარმოიშობა სისტემური პრობლემები. აქედან გამომდინარე, ეს მაგალითი არ იყო სწორად მოყვანილი – საფრანგეთი არ არის საპარლამენტო რესპუბლიკა, ისევე როგორც, კონსტიტუცია არ არის „მე, ბებია, ილიკო და ილარიონი“ – ჩვენთვის საყვარელი ნაწარმოები კონსტიტუციის განმარტებისთვის, როგორც ჩანს, არ გამოდგება“, – განაცხადა კობახიძემ.
მანვე მოიყვანა ავსტრიის მაგალითი, როდესაც ნეონაცისტური მიდრეკილებების მქონე პრეზიდენტობის კანდიდატმა 46% აიღო. პარლამენტის თავმჯდომარის თქმით, იქ, სადაც არის დისბალანსი პრეზიდენტის ლეგიტიმაციას და უფლებამოსილებას შორის, ჩნდება პრობლემები. – განაცხადა ირაკლი კობახიძემ მას სემდეგ, რაც ერთიანი ნაციონალური მოძრაობის წევრმა მაია კალანდიამ პროტესტის ნიშნად დატოვა დარბაზი.