ბათუმის საქალაქო სასამართლოს მოსამრთლემ ბათუმის მოვლენებთან დაკავშირებით დაკავებული 9 პირი პატიმრობაში დატოვა, რასაც ხმაური მოჰყვა. გადაწყვეტილება დაკავებულების ახლობლებმა გააპროტესტეს.
დღევანდელ პროცესზე დაცვის მხარემ პატიმრობის გირაოთი შეცვლა მოითხოვა, თუმცა როგორც სხდომის დასრულების შემდეგ ადვოკატებმა განაცხადეს, მოსამართლე ვიოლეტა ფორჩხიძემ მათი პოზიცია არ გაითვალისწინა
მოსამართლემ ბრალდების მხარისა და ადვოკატების მიერ წარდგენილი მტკიცებულებები დასაშვებად ცნო. დაკავებულებს ბრალი ორი მუხლით აქვთ წარდგენილი, ესენია: „სისხლის სამართლის კოდექსის“ 225 – ე მუხლი, რაც მასობრივ არეულობას გულისხმობს და 353-ე პრიმა მუხლი, რაც ითვალისწინებს პოლიციელზე თუ ხელისუფლების სხვა წარმომადგენელზე ან საჯარო დაწესებულებაზე თავდასხმას.
საქმეზე მორიგი სასამართლო სხდომა მიმდინარე წლის 19 მაისს დაინიშნა
დანარჩენი 8 დაკავებულის სასამართლო პროცესი ამ გრძელდება. სხდომას 7 ბრალდებული ესწრება, მერვე სასჯელაღსრულების სამინისტრომ ერთ-ერთი დაკავებული სამედიცინო დაწესებულებაში გადაიყვანა, იგი ექსპერტიზაზე იმყოფება.