ორი ადამიანი დაიღუპა და ექვსი დაიჭრა ერაყის ჩრდილოეთით მდებარე ამერიკულ სამხედრო ბაზაზე ტერორისტული დაჯგუფება „ისლამური სახელმწიფოს“ მებრძოლების თავდასხმის შედეგად. ბაზაზე ამ დროს ამერიკელი სამხედრო ინსტრუქტორებიც იმყოფებოდნენ. დაღუპულებიცა და დაშავებულებიც ქურთი სამხედრო მოსამსახურეები არიან.
სააგენტო „როიტერი“ ერაყის უსაფრთხოების უწყებებში წყაროზე დაყრდნობით იუწყება, რომ ორმა თვითმკვლელმა ტერორისტმა ასაფეთქებელი მოწყობილობა სამხედრო ბაზის შესასვლელთან აამოქმედა. როგორც ბაზაზე მომსახურე ერთერთი სამხედრო პირი ამბობს, თავდამსხმელებს ფეშმერგის ქურთული რაზმის სამხედრო ფორმები ეცვათ და გაპარსული ჰქონდათ წვერი, რომ ამერიკელ სამხედროებს დამსგავსებოდნენ.
ხუთი თავდამსხმელიდან, თვითმკვლელთა გარდა, დაღუპულია კიდევ სამი ტერორისტი, ისინი გაანადგურა ქურთების დაჯგუფება „ფეშმერგამ“, რომელიც ბაზის მიმდებარე ტერიტორიას, ე. წ კირკუკის ზონას აკონტროლებს.