,,ნაციონალური მოძრაობა შედეგზეა ორიენტირებული, ჩვენ ვმონაწილეობთ იქ, სადაც შედეგი მიიღება, ჩვენ არ ვმონაწილეობთ იქ, სადაც არის უშედეგობა,“ – აღნიშნა რომან გოცირიძემ ,,განსხვავებული აქცენტების'' პირდაპირ ეთერში, სადაც ისაუბრა მიზეზებზე, რის გამოც პარტიამ უარი განაცხადა კონსტიტუციის პროექტის საყოველთაო განხილვებში ჩართვაზე .
„თუ რატომ არ ვიღებთ მონაწილეობას, ეს გამოჩნდა რაჭასა და ქუთაისში. ჩვენ ვხვდებოდით, რა სცენარით წარიმართებოდა სახალხო განხილვა- განაცხადა მან – ხელისუფლებას უნდოდა კომისიის ფარგლებში ჩაეთრია მაქსიმალურად დიდი რაოდენობის საპარლამენტო ფრაქციები, წონადი არასამთავრობო ორგანიზაციები, რათა საზოგადოებისთვის შეექმნა საერთო სახალხო განხილვის ილუზია“
რომან გიოცირიძის თქმით, ეს ფარსი მიმართული იყო არა იმდენად კონსტიტუციის პროექტის განხილვაზე, რამდენადაც ნაციონალური მოძრაობის, როგორც მთავარი პოლიტიკური ოპონენტის , და არა მარტო მისი, ზოგადად ოპოზიციის, განქიქებაზე.
იგი თვლის, რომ საკონსტიტუციო ცვლილებების საყოველთაო განხილვისას შეხვედრაზე მყოფთა შეკითხვები წინასწარ იყო შეთანხმებული, დარბაზში ფატობრივად კარის მგოსნები იყვნენ შეკრებილი.
„აუდიტორია არის მომზადებული. ეს არის ტიპური საბჭოთა კავშირის დროინდელი სურათი. ახალგაზრდებს, ვისაც არ ახსოვს საბჭოთა კავშირი, შეიძლება წარმოედგინათ, თუ რა ხდებოდა მაშინ,“ – აღნიშნა რომან გოცირიძემ.