ნაციონალური მოძრაობის წევრი ეკა ხერხეულიძე ეხმაურება შეფასებებს, რომელიც რაჭაში, ამბროლაურში კონსტიტუციის პროექტის განხილვას მოყვა სოციალურ ქსელებში და ფართო საზოგადებაში .
,,.სრულიად გაუმართლებელი და უსაგნოა ადამიანების გაკიცხვა კუთხურობის კუთვნილების მიხედვით.- წერს ეკა ხერხეულიძე. – საქართველოში არ არსებობს რეგიონი,სადაც იგივეს ვერ მოახერხებს ხელისუფლება,რაც დღეს ამბროლაურში ჩაიდინა. ბრიყვია, ვინც ფიქრობს,რომ პირობითად,სამეგრელოში, დაუშვებელია ანალოგიური ვითარების ხილვა. კიდევ უფრო ბრიყვია,ვინც ქვეყნის მომავლის განვითარების პერსპექტივას საკუთარ წარმომავლობას უკავშირებს.
ჩემი აზრით,პრობლემა გაცილებით ღრმაა, ვიდრე ვიწრო პრიზმიდან დანახული უმნიშვნელო დეტალი.
მთავარი ისაა,რომ ხელისუფლებისგან დაჩაგრული ჩვენი მოქალაქეები ყველა რეგიონში თანაბარი შემართებით შეეცდებიან უკონკურენტო გარემოში,მლიქვნელობით და სავოკური მეთოდებით შესთავაზონ საკუთარი თავი მმართველ ძალას .
ასე ხდება ყველგან,სადაც ადამიანები გადარჩენისთვის იბრძვიან .''