შეერთებული შტატების სამხრეთ რეგიონებს ძლიერმა შტორმმა გადაუარა. სტიქიამ ყველაზე მეტად ჩრდილოეთ კაროლინის, ვირჯინიისა და ჯორჯიის შტატები დააზარალა.
ძლიერმა ქარმა საცხოვრებელ სახლებს სახურავები ახადა და ხეები მოგლიჯა. მათი ნაწილი შენობებს დაეცა.
ძლიერ ქარს ვირჯინიაში თან გადაუღებელი წვიმაც ახლდა, ჯორჯიის შტატის ქალაქ გარდენ სითის კი ტორნადოც დაატყდა თავს. სტიქიის შედეგად 5 ადამიანი დაშავდა.
გადაუღებელმა წვიმებმა მასშტაბური წყალდიდობა გამოიწვია კანადის ცენტრალურ და აღმოსავლეთ რეგიონებში . დატბორილი სახლებიდან ათასამდე ოჯახის ევაკუაცია განხორციელდა.
კვებეკის ხელისუფლებამ ფედერალური სამხედრო დახმარება ითხოვა, რადგან სინოპტიკოსების პროგნოზით, უამინდობა რეგიონში მომდევნო დღეებშიც გაგრძელდება.
სამაშველო სამუშაოებში ჩასართავად ჯარისკაცებს კვებეკში დღეს ელოდებიან.