თურქეთში ირანელი მედია მაგნატი მოკლეს. საიდ ქარიმიანი და მისი ქუვეითელი ბიზნეს პარტნიორი სტამბულის ერთ-ერთ უბანში ,,ლუქსის'' კლასის მანქანით გადაადგილდებოდნენ, როდესაც უცნობმა ნიღბიანმა პირებმაგზა დაგაუღობეს და ავტომატური იარაღიდან ცეცხლი გაუხსნეს. ქარიმიანი ადგილზე დაიღუპა, ხოლო მის თანმხლები ქუვეითელი პარტნიორი უმძიმეს მდგომარეობაში გადაიყვანესს კლინიკაში, თუმცა მისი გადარჩენა ვრერ მოხერხდა.
თურქეთის პოლიციამ ცხელ კვალზე იპოვა ჯიპი, რომლითაც თავდამსხმელები დანაშაულის ადგილს გაეცალნენ. მანქანა დამწვარია, ოფიციალური ინფორმაცია მკვლელობის გარემოებათა და სამძებრო სამუშაოების შესახებ ჯერჯერობით არ ვრცელდება
45 წლის მედიამაგნატი საიდ ქარიმიანი ირანის თანამგზავრული ქსელის დამფუძნებელი და დირექტორთა საბჭოს თავმჯდომარეა, 17 ტელეარხის მფლობელი. ტელეკომპანია ჯემ-ტვ ირანის ტერიტორიაზე მაუწყებლობს და სპარსულ ენაზე თარგმნილ დასავლურ გადაცემებს ამზადებს.
თავად ქარიმიანი ირანში არ ცხოვრობდა. მას თეირანის რევოლუციურმა სასამართლომ დაუსწრებლად შეუფარდა ექვსწლიანი პატიმრობა ,,სახელმწიფოს წინააღმდეგ მიმართული პროპაგანდისა და ქვეყნის უსაფრთხოების დამაზიანებელი საქმიანობის'' ბრალდებით .